11 жніўня ў нашым музеі распачынае працаваць клуб выхаднога дня для бацькоў з дзецьмі, бабуляў і дзядуляў з унукамі, а таксама для ўсіх тых, хто хоча правесці свой вольны час не за тэлебачаннем і кампутарам, а ў кампаніі цікавых і прыемных людзей. Прыйшоўшы да нас, вы даведаецеся і аб традыцыйных ляльках, з якімі гулялі нашы бабулі і дзядулі, пазнаёміцеся з гісторыяй беларускага адзення, сімволікай арнаменту і г. д. Прапанаваныя мерапрыемствы створаць добрую магчымасць для ўдасканалення вашых ведаў па традыцыйнай культуры.
Кожная сустрэча ў нашым музеі – унікальны шанец адчуць сябе сапраўдным носьбітам роднай культуры праз актыўны ўдзел у мерапрыемстве.
Прапануем наступную праграму:
11 жніўня.
Тэма сустрэчы: «Інструмент народны, і вясёлы, і журботны...»
18 жніўня.
Тэма сустрэчы: «Лялькі з куфэрка бабкі Агапкі»
25 жніўня.
Тэма сустрэчы: «Беларуская вышыванка»
8 верасня.
Тэма сустрэчы: «Беларускі пояс – зручны і прыгожы»
Кожная сустрэча будзе пачынацца а 11-й гадзіне.
Сардэчна запрашаем!