Праграма літатаратурна-этнаграфічнага свята
“Ноч, калі папараць цвіце…”
Дата правядзення: 10 ліпеня 2021 г.
Час правядзення: 12.00 - 22.00
Месца правядзення: мемарыяльныя сядзібы Акінчыцы, Альбуць, Смольня (Стаўбцоўскі раён, Мінскай вобласці)
ПРАГРАМА МЕРАПРЫЕМСТВА:
12.00 – выезд з г. Мінска ад Дзяржаўнага літаратурна-мемарыяльнага музея Якуба Коласа (г. Мінск, вул. Акадэмічная, 5)
14.00 – экскурсія на мемарыяльнай сядзібе Акінчыцы
Акінчыцы – не проста адна з вех на жыццёвым і творчым шляху песняра беларускай літаратуры Якуба Коласа. Гэта – яго калыска, тая самая маленькая радзіма, якая і падарыла нам будучага класіка ў далёкім 1882 годзе. Няхай яго сям'я і пражыла тут усяго чатыры месяца, і няхай вёскі як такой ужо няма – яна стала ўскраінай горада Стаўбцы, але памяць пра гэту гістарычную падзею жыве і ўшанавана ў дзейным філіяле музея, што знаходзіцца ў Акінчыцах.
15.00 - экскурсія на мемарыяльнай сядзібе Альбуць + частаванне-дэгустацыя гарбаты з лекавых зелак на інтарактыўнай экспазіцыі “Хатка знахаркі”
У адноўленай хаце створана літаратурна-мемарыяльная экспазіцыя па матывах паэмы «Новая зямля». У створанай экспазіцыі фотаздымкі прататыпаў герояў паэмы, рукапісы, выданні паэмы розных гадоў, прадметы побыту сялян ХІХ-ХХ ст. Як працяг каментару да паэмы «Новая зямля» – выстаўка "Пчалярства і рыбалоўства», размешчаная ў адноўленым гумне. Тут можна ўбачыць рэдкія на сённяшні дзень прылады пчалярства і рыбалоўства, якімі, не выключана, мог карыстацца і дзядзька Антось.
16.00 – пачатак літаратурна-этнаграфічнага свята на сядзібе Смольня
На сядзібе размешчана выстава майстроў народнага мастацтва,фудкорты.
На працягу ўсяго свята для гасцей выступаюць калектывы мастацкай самадзейнасці г. Стоўбцы.
- Экскурсія па мемарыяльнай сядзібе філіяла музея Якуба Коласа.
- Забаўляльная праграма і майстар-класы:
Выраб лялек-абярэгаў
Роспіс экаторбы
Настольная гульня “Жыцццё па Коласу”
Традыцыйныя беларускія гульні (прысценак, арлянка, чу)
18.00 – пошук папараць – кветкі
Уначы ў лясным гушчары зацвіце папараць-кветка. Лічыцца, што чароўны, яркі свет, якім літаральна на некалькі імгненняў успыхвае папараць-кветка, сыходзіць на яе ад бога грому і маланкі Перуна.
19.00 – Свята агню на турбазе “Высокі бераг”
Рытуальнае запальванне вогнішча, песні і карагоды ля яго.
Варажба з вянкамі, раслінамі.
Спальванне кола – сімвала сонца.
20.00 – ад’езд у Мінск
Сардэчна запрашаем!
Замаўляйце ўдзел па тэлефоне 270-17-02.