У 1956 годзе, праз 101 год пасля яго смерці ў 1855 годзе, Адаму Міцкевічу быў усталяваны бронзавы бюст, прыкладна ў два разы большы натуральнага памеру. Ён размешчаны ў Веймарскім парку на рацэ Ільм у паўночна-заходнім кутку Веймарскага гарадскога палаца. На пастаменце з галечнага пяшчаніку пазначаны імя і гады жыцця Адама Міцкевіча.
Адам Міцкевіч прыбыў у Веймар 19 жніўня 1829 года, і разам з суправаджаючым яго Антоні Эдвардам Адынцом штодня спыняўся ў Гётэ з 24 па 31 жніўня, удзельнічаў у святкаванні яго 80-годдзя.
Гётэ падарыў Міцкевічу пяро для пісьма, якое захоўваецца ў парыжскім музеі, а ў нашым Доме-музеі ёсць копія карткі з парыжскага музея Адама Міцкевіча, дзе яго рукой напісана: «Пяро Гётэ, падараванае Адаму Міцкевічу ў Веймары, года 1829. Адам Міцкевіч. 1831 (подпіс)».
