«Калядныя вячоркі»

23 снежня а 18-й гадзіне Літаратурны музей Петруся Броўкі запрашае на “Калядныя вячоркі”.

У цёмныя зімовыя вечары нашы продкі збіраліся ўсёй сям’ёй, каб адзначыць самае галоўнае і ўрачыстае свята года — Каляды. Беларускія традыцыі свята прайшлі праз стагоддзі і захаваліся да нашых дзён, у некаторых мястэчках краіны яны і дагэтуль развіваюцца і ўзбагачаюцца.

Давайце ж і мы на адзін вечар уявім сябе беларусамі і беларусачкамі мінуўшчыны, якія з нецярпеннем увесь года чакалі галоўнага свята ў коле года. Запрашаем адзначыць Каляды разам з намі!

Што трэба мець з сабой:

  • Цукеркі ці іншыя пачастункі (як жа не пачаставаць казу і калядоўшчыкаў?);
  • Добры настрой і гатоўнасць спяваць ва ўсю моц!

Вас будзе чакаць расповед пра гісторыю свята на Беларусі, а таксама нечаканыя традыцыі завяршэння і сустрэчы новага года ад прадстаўнікоў іншых народаў. Вядома, не абыдзецца без каляднага цуду варажбы і прадказанняў на будучы год, а таксама святочных спеваў, якім навучаць і вас!

Уваход вольны!

Адрас: г. Мінск, вул. К.Маркса, 30.

Кантактны тэлефон: +375 (17) 342-09-81.

679