Выстава графікі «Віцебская школа гравюры»

21.07.2017 10:00
20.08.2017 18:00

Мастацкая галерэя Полацкага гісторыка-культурнага музея-запаведніка запрашае наведаць выставу «Віцебская школа гравюры», якая пачала сваю працу 21 ліпеня!
У экспазіцыі выставы ўвайшлі графічныя працы са збору Віцебскага абласнога краязнаўчага музея, мастацка-графічнага факультета ВДУ імя П.М.Машэрава.

Віцебск у ХХ стагоддзі стаў не толькі адметным цэнтрам развіцця авангарднага мастацтва, месцам фарміравання своеасаблівай Віцебскай мастацкай школы, але і адыграў немалаважную ролю ў развіцці беларускага эстампа. Асабліва прыкметнымі ў мінулым стагоддзі сталі дзве лакальныя з’явы, што знамянуюць два этапы даволі яскравага развіцця віцебскай гравюры, якая прадстаўлена двума роднаснымі графічнымі тэхнікамі – дрэварытам (ксілаграфіяй) і лінарытам (лінагравюрай).

Ксілаграфія прадстаўлена на выставе працамі мастакоў Саламона Юдовіна, Яфіма Мініна, Зіновія Гарбаўца, Аляксандра Ахола-Вало.

У другой частцы экспазіцыі прадстаўлены лінагравюры 1960–1980-х гадоў, якія вылучаюцца эмацыянальнай выразнасцю, вытанчаным лірычным і паэтычным ладам. Маляўнічы штрых, мяккасць абрысаў у спалучэнні з эфектна дынамічна распрацаванымі шырокімі плоскасцямі складаюць характэрныя рысы лінарытаў віцебскай школы. На выставе экспануюцца творы Рыгора Клікушына, Мікалай Гугніна, Вячаслава Шамшура, Ісаака Бароўскага і іншых мастакоў.

Цудоўна дапаўняюць і ўзбагачаюць экспазіцыю выставы асабістыя гравіравальныя прылады Саламона Юдовіна і гравюрныя дошкі.

Запрашаем на сустрэчу з двума тэхнікамі гравюры! Выстава працуе ў Мастацкай галерэі да 20 жніўня.

Наш адрас: вул. Стралецкая, 4А-4, г. Полацк.
Тэлефон для даведак: 42-36-32


«Віцебская школа гравюры». Полацк, Мастацкая галерэя, 2017 г.
«Віцебская школа гравюры». Полацк, Мастацкая галерэя, 2017 г.
«Віцебская школа гравюры». Полацк, Мастацкая галерэя, 2017 г.






® а также