Літаратурна-музычны фестываль “Восень у Завоссі”


16 кастрычніка 2021 г. у Музеі-сядзібе Міцкевічаў “Завоссе”(філіял Дзяржаўнага музея гісторыі беларускай літаратуры) пройдзе літаратурна-музычны фестываль “Восень у Завосі”.

Час правядзення: 12:00 – 16:00.

Адрас: в.Завоссе, Баранавіцкі раён, Брэсцкая вобласць.

Мерапрыемства ладзіцца сумесна з Баранавіцкім раённым выканаўчым камітэтам пры падтрымцы Міністэрства культуры Рэспублікік Беларусь.

Гасцей свята чакаюць: анімаваныя экскурсіі па сядзібе, музычная праграма (з удзелам спецыяльнага госця ад асацыяцыі “БелБрэнд”), літаратурна-тэатральная дзея, гістарычная анімацыя, інтэрмедыі старажытнага лялечнага тэатра “Батлейка”, рамесніцкі кірмаш, мастацкі пленэр, інтэрактыўныя пляцоўкі, квэсты, гульні, майстар-класы, дэгустацыі ды чаяванне, а таксама мноства іншых актыўнасцей на розны густ і ўзрост.

Завоссе. Вядомае ў краіне і далёка за яе межамі месца, бо тут нарадзіўся, быў шчаслівы і пакінуў сваё сэрца адзін з найвялікшых геніяў чалавецтва Адам Міцкевіч.

Сярод пакрытых чаротам драўляных будынкаў наведвальнікі змогуць адчуць атмасферу шляхецкага двара другой паловы ХVІІІ ст. Інтэр'ер самога музея, які дэталёва ўзнаўляе жыццё і побыт беларускіх шляхціцаў, раскажа ім, як жылі, пра што думалі і пра што марылі прадстаўнікі сям'і знакамітага паэта.

Кошт квіткоў без праезду: 10 BYN. Дзеці да 7 гадоў – бясплатна. “Сямейны” квіток (2 дарослых + 1 дзіця да 16 гадоў або 2 дарослых + 2 дзяцей да 16 гадоў або 2 дарослых + 3 дзяцей да 16 гадоў) – 15 BYN.

Кошт квіткоў з праездам Мінск-Завоссе-Мінск: 25 BYN. Дзеці да 7 гадоў – 17 BYN. “Сямейны” квіток (2 дарослых + 1 дзіця да 16 гадоў або 2 дарослых + 2 дзяцей да 16 гадоў або 2 дарослых + 3 дзяцей да 16 гадоў) – 55 BYN.

Набыць квіткі можна анлайн.

За падрабязнай праграмай і навінамі фэсту сачыце ў сацсетках мерапрыемства ВКонтакте і Facebook

Тэл.   +375-17-370-99-32, +375-17-363-56-21 (Мінск), +375-16-346-25-70 (Завоссе).

55