Аўтарская канцэртная праграма «Адам Міцкевіч. Вытокі»


Ўвесь струн набор вялікі
Так грымнуў, быццам янычарскія музыкі
Ударылі ў званкі, ў талеркі, ў бубны, ў трубы.
Гудзе “Маёвы паланэз”! Напеў той любы
Прыносіць радасць, радасцю слых поіць –
Гуляць дзяўчаты хочуць, хлопцы аж не ўстояць.

Адам Міцкевіч «Пан Тадэвуш»

Жыццё кожнага чалавека пачынаецца з маленства: першых слоў, першых крокаў, першых вобразаў, што назаўжды застаюцца ў памяці. Жыццё генія – не выключэнне. Лёс такога геніяльнага творцы як Адам Міцкевіч скрозь пранізана сімваламі і вобразамі. Адкуль вытокі яго выключнага таленту? Бясконцыя далягляды, што адкрываліся позірку хлапчука-гімназіста з валоў Наваградскага замка... Казкі, пачутыя ад старога слугі Блажэя... Вобразы Віліі, Нёмана, Свіцязі, ахутаныя легендамі... Каханне... Сяброўства... Усё гэта стала той крыніцай, што сілкавала паэзію Міцкевіча і нараджала шэдэўры.

27 студзеня ў 18:30 Дзяржаўны музей гісторыі беларускай літаратуры запрашае на аўтарскую канцэртную праграму «Адам Міцкевіч. Вытокі». Праграма адмыслова створаная да пачатку святкавання юбілейнага, 225-га, года з дня нараджэння паэта.

Выканаўцы: Галіна Сакольнік, лаўрэат міжнародных конкурсаў, салістка Белдзяржфілармоніі (меца-сапрана), Святлена Немагай, музыказнаўца, піяністка, загадчык кафедры мастацкай творчасці і прадзюсарства Інстытута сучасных ведаў (фартэпіяна), Аляксей Загорскі, лаўрэат міжнароднага конкурсу (скрыпка).

Канцэртную праграму складаюць музычныя творы К.Ельскага, І.С.Баха, М.Грушвіцкага, М.Ельскага, а таксама песні С.Манюшкі на словы А.Міцкевіча, У.Сыракомлі, Ю.Корсака, Т.Зана і інш.

Запрашаем разам распачаць святкаванне юбілею вялікага творцы!

Кошт квітка: 14 руб.

Квіткі можна набыць анлайн па спасылцы https://24afisha.by/ru/minsk/events/performances/320863 або ў касе музея перад пачаткам мерапрыемства.

Тэлефон для даведак: +375 17 363 56 21.

Адрас: г. Мінск, вул. М. Багдановіча, 13.

25