Птушкі Лошыцкага парка


З 1 кастрычніка ў прысядзібным флігелі музея «Лошыцкая сядзіба» працуе фотавыстаўка «Птушкі Лошыцкага парка», падрыхтаваная сумесна з ГА «Ахова птушак Бацькаўшчыны».

Тэрыторыя Лошыцкага парку надзвычай разнастайная: рознатраўна лугі суседнічаюць з рэкамі Свіслач і Лоша, зараснікі трыснягу і мячэўніка размясціліся паблізу рачных астраўкоў, а велічныя дэкаратыўныя дрэвы на гістарычнай тэрыторыі парку суседнічаюць з элегантнымі фруктовымі алеямі ў яго савецкай частцы.
Дзякуючы такой разнастайнасці арнітафаўна Лошыцкага парку – адна з найбагацейшых у Мінску. Тут зарэгістравана больш за 100 відаў птушак, сярод якіх вядомыя большасці жыхароў Беларусі сініцы, дразды і стрынаткі. Сустракаюцца ў парку і сезонныя птушкі: вялікі галубы, пліскі, зімародкі, пеначкі і зімовыя сініцы, амялушкі, снегіры і гогалі. Вельмі рэдка ў парку фіксавалі чапель-бугаёў, слонак, сычоў і няясыць.
На выставе вы зможаце бліжэй разгледзець і пазнаёміцца з найбольш вядомымі насельнікамі Лошыцкага парку і птушкамі, якія хаваюцца ад увагі чалавека. На фотаздымках, зробленых за апошнія гады, птушкі паўстаюць у сваім натуральным стане – у палёце, за прыёмам ежы, выбудоўваючы гнёзды або спяваючы чарговую мелодыю.
Некаторым птушкам з выставы нават можна патэлефанаваць. Для гэтага шукайце на этыкетках да фатаграфій адмысловыя нумары тэлефонаў.

Музей «Лошыцкая сядзіба»
праезд Чыжэўскіх, д. 10
тэрыторыя Лошыцкага сядзібна-паркавага комплекса
(017) 396 18 86
minskmuseum.by

з 1 кастрычніка 2021
10.00 – 18.00

Наведванне выстаўка – па ўваходных квітках у музей «Лошыцкая сядзіба»

805