Музейны занятак для дзяцей: «Тэатр бывае розным»

Летняя спякота не вораг, калі вы апынуліся на спакойнай зялёнай сядзібе Коласа!

Падчас канікул тут можна не толькі паблукаць між высокіх сосен і ветлівых яблынь, але і даведацца пра нешта новае!

19 чэрвеня ў музеі адбыўся занятак «Тэатр бывае розным». Наведвальнікі пазнаёміліся з гісторыяй лялечнага тэатра і рознымі тыпамі лялек, а пасля выканалі спецыяльную пальчыкавую гімнастыку і з дапамогай беларускіх хуткамовак павучыліся добраму вымаўленню. Напрыканцы занятку вучні пераўтварыліся ў сапраўдных лялькаводаў!

Чакаем на сядзібе Коласа апантаных тэатрам і музеем!