Святы Божага Нараджэння яднаюць у супакоі і дабрыні народы па ўсім свеце. Напярэдадні Калядаў у Завоссі на Наваградчыне нарадзіўся Адам Міцкевіч – геніяльны паэт…
23 снежня ў 18.30 у Дзяржаўным музеі гісторыі беларускай літаратуры адбудзецца канцэрт “Калядныя мроі Адама Міцкевіча”. Слухачы пачуюць музыку на словы паэта, а таксама прысвечаныя яму інструментальныя творы. Даведаюцца, як Каляды звязаныя з дэбютным вершам Адама Міцкевіча, і дзе ён сустракаў свае апошнія народзіны перад выездам з радзімы. Атрымаюць рэцэпт любімай традыцыйнай стравы Адама Міцкевіча на святочным вігілійным стале, а таксама даведаюцца, якой была любімая песня-калядка паэта.
У канцэрце бяруць удзел салісты Беларускай дзяржаўнай філармоніі Тамара Рэмез (сапрана) і Аляксей Загорскі (скрыпка), музыказнаўца Святлена Немагай (фартэпіяна). Прагучаць традыцыйныя калядныя песні, а таксама творы Я.Д.Голанда, М.К.Агінскага, С.Манюшкі і Ю.Семянякі.
Усіх сардэчна запрашаем!
Кошт білетаў: 12 рублёў.
Набыць квіткі анлайн можна тут: https://24afisha.by/ru/minsk/events/concert/314892
Тэлефоны для даведак: +375 17 363 56 21, +375 17 363 94 65.
Адрас: вул. М. Багдановіча, 13.