У Музеі ткацтва адбыўся майстар-клас па сухім валенні з воўны брошкі птушкі-сінічкі. Воўна цікава тым, што гэты вельмі пластычны матэрыял дае шмат магчымасцей для ўвасаблення ідэй. Нягледзячы на яўную складанасць, майстар-клас быў разлічаны на пачаткоўцаў: не было ніякіх працаёмкіх элементаў і каляровых пераходаў. Удзельнікі выбралі адценні на свой уласны густ, асвоілі тэхніку сухога валення і зрабілі сваімі рукамі прыгожыя вялікія брошкі-птушкі на сумку або паліто.
