Валянціна Іванаўна Цехановіч нарадзілася 5 мая 1949 г. у горадзе Навагрудку. Навагрудчына — край, дзе Валянціна выгадавалася, сфармiравалася як мастак.
У 1977 г. скончыла Ленінградскае вышэйшае мастацка-прамысловае вучылішча імя В.I. Мухінай.
З 1977 г. Валянціна Цехановіч жыве ў г. Баранавічы. Працавала на Баранавіцкім баваўняным камбінаце старшым інжынерам у групе эстэтыкі.
Значную частку жыцця Валянціна Іванаўна прысвяціла педагагічнай працы ў Баранавіцкай дзіцячай мастацкай школе, якая была створана ў 1989 г. З 1989 па 2005 г. з’яўлялася дырэктарам мастацкай школы, затым працавала выкладчыкам.
В. І. Цехановіч — член Беларускага саюза мастакоў з 2000 г. Працуе ў станковай графіцы (пяро, аловак, туш, пастэль), у акварэлі і манументальна-дэкаратыўным жывапісе.
