9 лютага ў Дзяржаўным музеі гісторыі беларускай літаратуры адбылася сустрэча супрацоўнікаў літаратурных музеяў Беларусі з нашчадкамі Фёдара Міхайлавіча Дастаеўскага.
Прадстаўнікі знакамітага роду – прапраўнук сусветна вядомага пісьменніка Аляксей Дастаеўскі і члены яго сям’і – пазнаёміліся з экспазіцыяй музея і прынялі ўдзел у круглым стале “Літаратурная спадчына: Дастаеўскі і Беларусь”.
