12 кастрычніка ва УК “Гудзевіцкі дзяржаўны літаратурна-краязнаўчы музей” прайшло мерапрыемства “Любоў да маці свет трымае”, прымеркаванае да святаў «Пакровы» і «Дзень маці».
У рамках мерапрыемства ў музеі была арганізавана выстава работ мясцовых жанчын-майстрых.
Настаяцель храма Нараджэння Прасвятой Багародзіцы аг.Гудзевічы пратаіерэй Мікалай Сень расказаў пра гісторыю святаў.
З вуснаў паэта Мікалая Пятровіча Іваноўскага прагучалі вершы, прысвечаныя матулі.
А супрацоўнікі музея распавялі пра народныя традыцыі, звязаныя са святам, і пра вобраз маці ў народным фальклоры.
Напрыканцы мерапрыемства бацюшка Мікалай падарыў кожнай жанчыне маленькі абразок на поспех і шчасце.
